ആഭിചാരം

I know that im mad...

2012-02-03T01:31:00.000-08:00

Identification with the mind creates every mad things.every moment we are identified with the mind and body.sometimes i am thinking we are living like mad men.yesterday i saw a mad guy in my home town koothattukulam.he is speaking loudly to himself...he is laughing to himself...answering to his own questions..and he had collected so many junks in his bag from the street.I watched the man dejectedly.But he was so happy as if his bag was full of gold coins...When i came back home by my bike i thought, there is no much deference between that man and me...i know number of thoughts are moving when im working or whatever im doing, the thinking process is running without interruption.if someone is listening it, definitely they will call me crazy.so deference is something about volume...he is expressing his thought through a loud speaker.Im listening My thoughts with my wireless head set...everyone calls him mad..no one knows that there is a lunatic inside me.what happens to the man is nothing but he completely identified with his mind...he lost his i ness or the watcher behind the thoughts...and the people who blame the man is mad are just on the verge of loosing there i ness and soliloquizing about others madness...!

the deception of maya

2012-01-30T08:47:00.000-08:00

All forms are deceptive...female body.. flowers..clouds..sunrise..before you have a chat with a beautiful form it would have changed into another form..a fallen flower or living memories of a dead girl friend..all have taken another form...as if they had not existed..in a way it was not existed as a form…the power which pulled towards the form is not the form but the wall where the painting is being painted…is it correct my blog friends..? And the wall is nothing but the unchanging platform where all changes are dancing and by the chaotic dance the whole universe is being created…This dance is called ‘THANDAVA’ The dance of load Siva in graveyard.

പൃഥ്വിരാജും രഞ്ജിനി ഹരിദാസും പിന്നെ സന്തോഷും

2011-11-17T08:06:00.000-08:00

പൃഥ്വിരാജും രഞ്ചിനി ഹരിദാസും മലയാളിയുടെ ഇന്‍ഫീരിയോരിറ്റി കോംപ്ലക്‌സിന്റേയും പാവം സന്തോഷ് പണ്ടിറ്റ് മല്ലൂസിന്റെ സുപ്പീരിയോരിറ്റിയുടേയും ഇരകളായി മാറി. സന്തോഷ് തന്റെ സര്‍ഗ്ഗവേദന താങ്ങാനാകാതെ സന്തോഷിച്ച് പടച്ച് വിട്ട സിനിമയുടെ കലാമേന്മ കണ്ട് താങ്ങാനാകാതെ പയ്യന്മാര്‍ കീബോര്‍ഡില്‍ പിയാനോ വായിച്ചപ്പോഴാണ് സത്യത്തില്‍ മലയാളിയുടെ മാതൃഭാഷ പലരും തിരിച്ചറിഞ്ഞത്. സന്തോഷ് അയാളുടെ നിലവാരം കാണിച്ചു. കമന്റടിച്ചവര്‍ അവരുടേയും. സന്തോഷിനെതിരെ തീ തുപ്പുന്ന ഒരു വെളിച്ചപ്പാടും സാമൂഹിക വിപത്തുക്കളായി കാണേണ്ട മിക്ക സീരിയലുകള്‍ക്കെതിരെയും മൗനമാചരിക്കുന്നത് അവര്‍ മാതൃഭാഷ മറന്നതുകൊണ്ടാവില്ല. അവര്‍ കണ്ണുനീര്‍,ഏഷണി,വിലാപ,കുശുമ്പ്,കുന്നായ്മ സീരിയലുകളുടെ ആരാധകരായിരിക്കാം. അവരുടെ സ്ഥാനം സന്തോഷിന് മുകളിലും സീരിയലുകള്‍ക്ക് താഴെയുമാണെന്ന് വേണം കരുതാന്‍....

കുരങ്ങ് കളി

2011-11-01T09:08:00.000-07:00

ആള്‍കൂട്ടം കണ്ടപ്പോള്‍ വിചാരിച്ചു വല്ല കുരങ്ങ് കളിയോ മറ്റൊ ആയിരിക്കുമെന്ന്. ആള്‍ക്കാരുടെയിടയിലൂടെ തിക്കിത്തിരക്കി മുന്നില്‍ ചെന്ന് നോക്കി. ആരോഗ്യദ്രഡഗാത്രനും ശുഭ്രവസ്ത്ര ധാരിയുമായ ഒരു മധ്യവയസ്‌കന്‍ ഒരു പയ്യനെ തല്ലുന്നു. അവന് ഒരു പതിനാല് പതിനഞ്ച് വയസ് വരും. ഷര്‍ട്ടും മുണ്ടുമാണ് വേഷം. ഇരു ചെവിട്ടത്തും അടിച്ചശേഷം കുനിച്ചുനിര്‍ത്തി പുറത്തിടിക്കുന്നു. ഓരോ ഇടിക്കും അവനില്‍നിന്ന് ഒരു രോദനം പുറത്തുവരുന്നുണ്ട്. കടത്തിണ്ണകളില്‍ നിന്ന് ബീഡിവലിച്ചുകോണ്ട് ജനം തെരുവ് നാടകം കണ്ടുനിന്നു. ഒരാളോട് കാര്യം തിരക്കി ,പോക്കറ്റടിയാണ് കേസ്സ്. അയാള്‍ ഇടി നിര്‍ത്തി അവന്റെ ഷര്‍ട്ടിന്റെ കോളറിന് പിടിച്ചുകോണ്ട് ചുറ്റും നിന്നവരോടായി സംഭവത്തിന്റെ വിശദവിവരങ്ങള്‍ പറയുകയാണ്. ഇടക്ക് അയാള്‍ അവന്റെ തലക്കിട്ട് ഓരോ അടിയും വച്ചുകോടുത്തു.

അവന്റെ ഷര്‍ട്ടിന്റെ കോളറിലെ ചെളി ഞാന്‍ കണ്ടു. പോട്ടിയ ബട്ടണുകള്‍ കണ്ടു. ആ ഷര്‍ട്ട് അലക്കിയിട്ട് മാസങ്ങള്‍ ആയിരിക്കണം. അവന്‍ കരഞ്ഞുകോണ്ട് എന്തോക്കയോ പറയുന്നുണ്ട് ഒന്നും തിരിയുന്നില്ല. ശബ്ദം ഇല്ലാതായതുപോലുണ്ട്.

കുറെ കഴിഞ്ഞപ്പോള്‍ ആളുകള്‍ പിരിഞ്ഞ്‌പോയി. അയാള്‍ അവന്റെ കോളറിന് പിടിച്ചുകോണ്ട് അതിലെ നടന്നു. പരിചയക്കാരോടൊക്കെ സംഭവം വിവരിക്കുകയും അവന്റെ തലക്കിട്ട് ഓരോന്ന് കോടുക്കുകയും ചെയ്തു.

അപ്പോളേക്കും കോളേജ് വിട്ട് പെണ്‍കുട്ടികള്‍ വരാന്‍ തുടങ്ങി. ശുഭ്രവസ്ത്രധാരി അവന്റെ കോളറിന് പിടിച്ച് തത്തിച്ചുകൊണ്ട് അവരുടെ ഇടയിലൂടെ നടന്നു.

'ഫ പട്ടി മോങുന്നോടാ കഴുവേര്‍ടമോനെ'

അയാള്‍ അലറി. അധികസമയം കണ്ടുനില്‍ക്കാനാകാതെ ഞാന്‍ അവിടെനിന്നും പോന്നു.

കുറെ കഴിഞ്ഞപ്പോള്‍ ആള്‍ക്കാര്‍ ഓടിക്കൂടുന്നതും മറ്റും കണ്ട് ഞാനും ചെന്ന് നോക്കി. ശുഭ്രവസ്ത്രധാരി രക്തത്തില്‍ കുളിച്ച് വഴിയില്‍ കിടന്ന് കാലിട്ടടിക്കുന്നു. അവനെ അവിടെയെങ്ങും കാണാനില്ല.

'സഖാവിനെ കുത്തി' എന്നോക്കെ ചിലര്‍ പറയുന്നുണ്ട്.

ഓടിവന്നവരോട് ദൃക്‌സാക്ഷികള്‍ പറഞ്ഞുകോടുക്കുന്നു.

'ദാ…..ആ വഴിക്കാണ് ഓടിയത്……..ആ തോട് ചാടിക്കടന്ന്..കപ്പത്തോട്ടത്തിലുടെ..

ഒട്ടും താമസിക്കാതെ ഒരു ജനക്കൂട്ടം സൈക്കിള്‍ ചെയിന്‍, കുറുവടി, വെട്ടുകത്തി തുടങ്ങിയ മാരകായുധങ്ങളുമായി അവനെ പിന്‍തുടര്‍ന്ന് തോട് കടന്ന് കപ്പത്തോട്ടത്തിലേക്ക് പോയി..

പെണ്ണുപിടുത്തം

2010-03-04T02:07:00.000-08:00

രാത്രി ഒമ്പത് മണിയോടടുത്ത് ലോഡ്ജിന്റെ വാതിലില്‍ മുട്ട് കേട്ട് കതക് തുറന്നു. വി കെ എന്റെ പയ്യനേക്കാളും പ്രായം കുറഞ്ഞ നമ്മുടെ ഒരു സ്വന്തം പയ്യന്‍ തിരി കത്തിക്കയറുന്ന അമിട്ട് പോലെ മുന്നില്‍.

"എന്ത് പറ്റിയെഡെ ആകെ ഒര് പരവേശം...കുളിരുന്ന രാത്രിയില്‍ നീയാകെ വിയര്‍ത്തിരിക്കുന്നല്ലൊ....?"

"അണ്ണാ, ഫ്രാങ്ക്‌ലി സ്പീക്കിങ്ങ്......പെണ്ണ് പിടിക്കണം...!"

"എന്തെഡെ ഇങ്ങനെ ധിടീര്‍ന്ന്....?!"

"ഇനി കണ്‍ട്രോള്‍ ചെയ്യാനാകില്ലണ്ണാ...സിരകളില്‍ ഹോര്‍മോണ്‍സ് അണപൊട്ടിക്കുന്നു...!"

"നിനക്ക് സ്വയം സാന്ത്വനിപ്പിച്ചുകൂടെ....?!"

"സ്വയം സാന്ത്വനിപ്പിച്ച് സ്ന്ത്വനിപ്പിച്ച് ഞാന്‍ ഹൃദിക് റോഷനേപ്പോലെ മസ്സില്‍ മാനായി മാറി.....!"

പയ്യന്‍ ശോകഭാവത്തില്‍ വലതുകയ്യിലെ മസ്സില്‍ ഉരുട്ടിക്കാണിച്ചു.

"സിഡി..ഡി വി ഡി കളുടെ നേര്‍ക്കാഴ്ച്ചകള്‍ നിന്റെ ഉള്ളം തണുപ്പിക്കുമൊ....?" വേദാന്തഗ്രന്ഥങ്ങളുടെയിടയില്‍നിന്നും ഒരു ഡി വി ഡി എടുത്തുകൊണ്ട് ഞാന്‍ ചോദിച്ചു.

പയ്യന്‍ കൈ നീട്ടി വിലക്കിക്കൊണ്ട് പറഞ്ഞു.

"അണ്ണാ എരിതീയില്‍ എണ്ണ ഒഴിക്കരുത്..."

"ശരി...എന്താ നിന്റെ മനോമുകുരത്തില്‍....?"

"ടൗണില്‍ ഒരു ബ്ലാക് തമിഴ് ശെല്‍വിയുണ്ട്...അവിടെ അഭയം പ്രാപിക്കണം....അന്‍പത് ക ആണ് ഫീസ്സ്.....ഭണ്ഡാരം പൊട്ടിച്ച് സംഖ്യ ഞാന്‍ സംഘടിപ്പിച്ചിട്ടുണ്ട്..."

നാടകത്തിലെ കാര്‍ന്നവരേപ്പോലെ ഞാന്‍ നടുങ്ങി...

"അടാ പാവി...ലിഗയോനീസംഗമം പാപം, പത്ര ചാനല്‍ മാധ്യമാതി വോയര്‍ ആയി ഭവിഷ്യന്തി...എന്ന വേദാന്ത തത്വം നീ മറന്നുവോ...!"

എത്ര പറഞ്ഞിട്ടും പയ്യന്‍ അടങ്ങിയില്ല.ഒടുവില്‍ ഞാന്‍ അവന് കൂട്ട് പോയി. വിലക്കയറ്റത്തോടനുബന്ധിച്ച് തമിഴ് ശെല്‍വി റെയിറ്റ് കൂട്ടിയെന്ന നടുക്കുന്ന വാര്‍ത്തയറിഞ്ഞ പയ്യന്റെ സപ്തനാഡികളും തളര്‍ന്നുപോയി.' ചേച്ചീ...ചേച്ചീ പ്ലീസ് ചേച്ചീ' എന്ന് അവന്‍ തറവരെ താഴുന്നത് കണ്ടപ്പോള്‍ എന്റെ തൊലി ഉരിഞ്ഞ് നിലത്ത് വീണു...'അണ്ണാ ഒന്ന് പറയണ്ണാ...അക്കാാാാ...അക്കാാാ....'.നീണ്ട യാചനക്കൊടുവില്‍ അവര്‍ അവനോട് കരുണ കാട്ടി......രണ്ട് പേരും കുറ്റിക്കാടിന്റെ ഇരുട്ടില്‍ മറഞ്ഞപ്പോള്‍ മനുഷ്യര്‍ എത്ര നിസഹായരാണെന്ന് ഓര്‍ക്കുകയായിരുന്നുഞാന്‍....ഹോര്‍മോണടക്കം എന്തിന്റെയൊക്കെ തടവുകാരാണവര്‍...ഒന്നര മണിക്കൂര്‍ കഴിഞ്ഞാണ് പയ്യന്‍ തിരിച്ച് വന്നത്. ലോല ഹൃദയനായ പയ്യന്‍ ശെല്‍വിയുടെകൂടെ തമിഴ്‌നാട്ടിലേക്ക് ഒളിച്ചോടിയൊ എന്നുവരെ ഞാന്‍ സംശയിച്ചു. തിരിച്ച് പോകുമ്പോള്‍ കാറ്റ് പോയ ബെലൂണ്‍ പോലെ പയ്യന്‍ ബലഹീനനായിരുന്നു. സത്യത്തില്‍ പോയ കാര്യം നടത്താന്‍ അവനായില്ല....പിന്നീടാണ് അവന്‍ അത് എന്നോട് പറഞ്ഞത്...ഒന്നരമണിക്കൂര്‍ സമയം അവള്‍ സംസാരിക്കുകയും കരയുകയും ആയിരുന്നു....ടൗണിലെ ബാറില്‍ ക്ലീനിങ്ങിനുവന്ന ഒരു തമിഴനുമായി അവള്‍ പ്രേമത്തിലായിരുന്നത്രെ...ഇനി ഈ പണിക്ക് പോകേണ്ടെന്നും ചിലവിനുള്ള കാശ് കൊടുത്തോളാമെന്നും അയാള്‍ പറഞ്ഞു. അവള്‍ പരുപാടി നിര്‍ത്തി...ഈ സംഭവം അവളുടെ കസ്റ്റമേഴ്‌സിനെ ശത്രുക്കളാക്കിമാറ്റി...അവര്‍ അവളുടെ കാമുകനെ തല്ലിയോടിച്ചത്രെ....ഇപ്പോള്‍ അയാള്‍ എറണാകുളത്തുള്ള ഏതോ ബാറില്‍ ഉണ്ടെന്ന് അവള്‍ അറിഞ്ഞു...എറണാകുളത്ത് എത്ര ബാറുകള്‍ ഉണ്ട്...അതില്‍ എവിടെപ്പോയാണ് അന്വേഷിക്കേണ്ടത്...അവള്‍ക്ക് അതിനുള്ള അറിവും ശേഷിയും ഇല്ലായിരുന്നു.....

"നീയോന്നും ചെയ്തില്ലെ......?"

ഞാന്‍ ചോദിച്ചു.

"ഉമ്മകൊടുത്തു..."

"എവിടെ...?"

"കവിളില്‍...പക്ഷെ മൊത്തം കണ്ണീരിന്റെ ഉപ്പായിരുന്നണ്ണാ..!"

"കാശ് കൊടുത്തൊ...?"

"ഉം..പക്ഷെ അവള്‍ വാങ്ങിയില്ല...ജോലിചെയ്യാതെ കാശ് വാങ്ങില്ലെന്ന് പറഞ്ഞു...!"

അധികം സംസാരിക്കാതെ ഞങ്ങള്‍ പിരിഞ്ഞു. ഒരാഴ്ച്ച കഴിഞ്ഞാണ് അവന്‍ പിന്നെ റൂമില്‍ വന്നത്.

"നീ എവിടെയായിരുന്നു...കോളെജില്‍ കണ്ടില്ലല്ലൊ....?"

പയ്യന്‍ പുഞ്ചിരിയോടെ ഒരു തുണ്ട് പേപ്പര്‍ നീട്ടിക്കോണ്ട് പറഞ്ഞു.

"ഞാന്‍ എറണാകുളത്തായിരുന്നു...അയാളെ അന്വേഷിച്ച് കണ്ടുപിടിച്ചു...അത് അഡ്ഡ്രസ്സാ...ഇന്ന് രാത്രി ഇത് അവളുടെ കയ്യില്‍ എത്തിക്കണം....അണ്ണന്‍ വരണം....."

"ഞാന്‍ വരില്ല..."

അത് തിരിച്ച് നീട്ടിക്കൊണ്ട്്് ഞാന്‍ പറഞ്ഞു.

"അണ്ണാ എനിക്ക് തന്നെ പോകാന്‍ പേടിയാ...കഷ്ടപ്പെട്ട് കണ്ട് പിടിച്ച അഡ്രസ്സാ....വീട്ടിലറിയാതെ മോതിരം വിറ്റാ ഞാന്‍ എറണാകുളത്തിന് പോയത്....."

ഞാന്‍ അവനെ സഹതാപത്തോടെ നോക്കിക്കൊണ്ട് പറഞ്ഞു.

"അവളെ മിനിങ്ങാന്ന് നാട്ടുകാര്‍ തല്ലിയോടിച്ചു....അവള്‍ ജീവനുംകൊണ്ട് എങ്ങോ പോയി...."

അവന്‍ എന്റെ നേരേ തുറിച്ച് നോക്കിക്കൊണ്ട് കുറേനേരം മുറിയില്‍ ഇരുന്നു. പിന്നെ ആ പേപ്പര്‍ ചുരുട്ടി മുറിയുടെ മൂലയിലേക്ക് എറിഞ്ഞിട്ട് ഇറങ്ങിപ്പോയി.

അദ്ധ്യാപകന്‍ സാഡിസ്റ്റാകുമ്പോള്‍....

2010-02-25T08:03:00.000-08:00

ഗുരുവിനെ ദൈവത്തേപ്പോലെ കാണണമെന്നാണ് ചെറുപ്പംമുതലേ നമ്മെ പഠിപ്പിക്കുന്നത്. സത്യവുമാണ്...പക്ഷെ തെറ്റിധരിക്കപ്പെടുന്നതും വ്യാഖ്യാനിക്കപ്പെടുന്നതും ഗുരുവും അദ്ധ്യാപകനും ഒന്നാണെന്നാണ്...സത്യത്തില്‍ അവര്‍ കടലും കടലാടിയും പോലെ വ്യത്യസ്തരാണ്....ഗുരുക്കന്മാര്‍ സത്യദര്‍ശികളത്രെ... അദ്ധ്യാപകര്‍ കുറേ വിവരങ്ങള്‍ ശേഖരിച്ചുവച്ചിരിക്കുന്ന ഒരു കമ്പ്യൂട്ടര്‍ പോലെയാണ്. അത്ര മഹത്വമേറിയ വിവരങ്ങളാണ് ഹാര്‍ഡ് ഡിസ്‌കില്‍ രേഖപ്പെടുത്തിയിട്ടുള്ളതെങ്കിലും, മോശപ്പെട്ട ഡേറ്റായാണതെങ്കിലും പ്രോസസറിന്റെ എബിലിറ്റിയെ അതോന്നും ബാധിക്കുന്നില്ല. അതുപോലെ ഒരു മനുഷ്യന്റെ ശാസ്ത്രത്തിലൊ ചരിത്രത്തിലൊ ഒക്കെയുള്ള വിജ്ഞാനം അയാളുടെ വ്യക്തിത്വത്തിന്റെ നിലവാരത്തെ ഉയര്‍ത്തുന്നതായി കാണുന്നില്ല...നേരേമറിച്ച് ഒരാള്‍ എത്ര നാഗരികനാണോ അത്രക്ക് അയാള്‍ മലിനചിത്തനാകുമെന്ന് കാണാം...കാരണം കൂടുതല്‍ നാഗരികനാകുംതോറും അയാള്‍ക്ക് തന്റെ വ്യക്തിജീവിതത്തേക്കാളും സാമൂഹികജീവിതത്തിന്, തന്റെ സൂപ്പര്‍ ഈഗോയിക്ക്്് പ്രാധാന്യം െകാടുക്കേണ്ടിവരുന്നു. എല്ലാ സമൂഹങ്ങളും കള്ളത്തരത്തില്‍ അധിഷ്ടിതമാണ്...നുണയിലാണ് അത് ജീവിക്കുന്നത്...ഒരു മിനിട്ട് എല്ലാ മനുഷ്യരും സത്യം മാത്രം പറഞ്ഞാല്‍ ലോകത്തുള്ള മിക്ക വ്യക്തിബന്ധങ്ങളും തകര്‍ന്നടിയും എന്ന് പറഞ്ഞത് ഫ്രോയിഡ് അമ്മാവനാണെന്നാണ് ഓര്‍മ്മ...അദ്ധ്യാപകര്‍ സമൂഹത്തില്‍ വളരെയധികം ബഹുമാനിക്കപ്പെടുന്ന തൊഴിലാളികളാണ്. ഏതൊരു തൊഴിലും ആത്മാത്ഥമായി അര്‍പ്പണബുദ്ധിയോടെ, ചെയ്യുന്നവര്‍ക്ക് സ്വാഭാവികമായി വന്നുചെരേണ്ട ബഹുമാനത്തേക്കാള്‍ കൂടുതല്‍ ഇവര്‍ ആഗ്രഹിക്കുകയും സമൂഹം അത് നല്‍കുകയും ചെയ്യുന്നു. അപുര്‍വ്വം ചിലര്‍ മാത്രം അത് അര്‍ഹിക്കുന്നുമുണ്ട്.....എന്റെ അനുഭവത്തില്‍ കൂടുതലും കള്ളനാണയങ്ങളാണ്. അദ്ധ്യാപകനായി മാറുവാന്‍ ഒരാള്‍ ആഗ്രഹിക്കുന്നതിനുപിന്നില്‍ ബോധപൂര്‍വ്വവും അബോധപൂര്‍വ്വവുമായ കാരണങ്ങള്‍ പലതുണ്ട്...എന്തുകൊണ്ട് എനിക്ക് ഒരു അദ്ധ്യാപകനാകണം എന്ന് ഒരാള്‍ക്ക് സ്വയവും മറ്റുള്ളവരോടും വിശദികരിക്കുവാന്‍ പറ്റുന്ന കാരണങ്ങള്‍ ആണ് ബോധപൂര്‍വ്വമുള്ള കാരണങ്ങള്‍. ഈ കാരണങ്ങള്‍ മിക്കവാറും ഋജുവായതും നല്ലതും ശ്ലാഘനീയവും ഒക്കെയായിരിക്കും, ഇതാണ് എല്ലാവരും പൊതുവായിചര്‍ച്ച ചെയ്യുന്നത്. അബോധകാരണങ്ങള്‍ പലതുണ്ടെങ്കിലും പ്രധാനപ്പെട്ടത് ഇന്‍ഫീരിയോരിറ്റി കോംപ്ലക്‌സ് എന്ന് ഇംഗ്ലീഷില്‍ പറയുന്ന അധമബോധമാണ്. സ്വയം മതിപ്പില്ലായ്മ. മിക്കവരിലും ചെറിയൊരളവിലെങ്കിലും ഇതിന്റെ അംശം കാണാമെങ്കിലും ഇത് ഒരു രോഗാവസ്ഥയില്‍ എത്തിയവര്‍ കാണിക്കുന്ന പ്രഥാനപ്പെട്ട ലക്ഷണമാണ് അധികാരത്തോടുള്ള ആര്‍ത്തി...അവര്‍ രാഷ്ട്രീയക്കാരായി മാറുന്നു. പക്ഷെ അധികാരം നേടണമെങ്കില്‍ ആര്‍ത്തിമാത്രം പോരല്ലോ...പല കഴിവുകളും വേണം.....അങ്ങനെയുള്ളവര്‍ക്ക് പുരോഹിതന്മാരായിമാറാം..ഒരു കഴിവും ഇല്ലെങ്കിലും നിങ്ങള്‍ ആദരിക്കപ്പെടും...രാഷ്രീയത്തില്‍ ശോഭിക്കണമെങ്കില്‍ അഭിനയത്തില്‍ നിപുണനായിരിക്കണം. നവരസങ്ങള്‍ നിക്ഷ്പ്രയാസം മുഖത്ത് വരുത്താന്‍ കഴിയണം...പുരോഹിതനാകുന്നതാണ് എളുപ്പം ഒരേയൊരു രസം മാത്രം പഠിച്ചാല്‍ മതി...എല്ലാമറിയുന്ന ദൈവീകമായ മൃദുമന്ദഹാസം മാത്രം മതി. ഹൃദയത്തിന്റെ അവിശുദ്ധിയും ആത്മാവിലെ ഇരുട്ടും ആ ഒരു ഭാവംകൊണ്ട് മറക്കാന്‍ പഠിച്ചാല്‍ മാത്രം മതി.....

കൊച്ചുകുട്ടികളില്‍ അധികാരം സ്ഥാപിക്കാന്‍ എളുപ്പമാണ്...അദ്ധ്യാപകനായാലും മതി....എല്ലാ അദ്ധ്യാപകരും അധികാരക്കൊതികൊണ്ടാണ് അദ്ധ്യാപനം തിഞ്ഞെടുക്കുന്നത് എന്ന് പറയാന്‍ പറ്റില്ല...ചിലര്‍...അവരേപ്പറ്റിയാണ് പറയുന്നത്..

നാലാം ക്ലാസ്സില്‍ ഞങ്ങളെ കണക്ക് പഠിപ്പിച്ച മോഹന്‍സാര്‍ അങ്ങനെയൊരാളായിരുന്നു. ഒരു യമഹാ ആര്‍ എക്‌സ് ഹണ്‍ഡ്രഡ് ബൈക്കിലാണ് അയാള്‍ സ്‌കൂളില്‍ വന്നിരുന്നത്. വായുവില്‍ ശീല്‍ക്കാരത്തോടെ അയാളുടെ ചൂരലുകള്‍ പുളഞ്ഞു. ഞങ്ങളുടെ ഒമ്പത് വര്‍ഷം മാത്രം വളര്‍ന്ന കുരുന്ന് തുടയിലും ചന്തിയിലും നടുവിലും ആ ചൂരലുകള്‍ വൈദ്യുതി പ്രവഹിപ്പിച്ചു. അയാളുടെ പിര്യഡ് തുടങ്ങുമ്പോഴേ ഞങ്ങളുടെ പിഞ്ചുഹൃദയങ്ങള്‍ പ്രാണഭയത്തോടെ മിടിച്ചിരുന്നു. ചോരയൊലിക്കുന്ന തുടയുമായി എത്രയോ ദിവസങ്ങള്‍ ഞാന്‍ വീട്ടില്‍ കയറിച്ചെന്നിട്ടുണ്ട്....രക്തം പറ്റിയ നിക്കര്‍ അലക്കി മടുത്തപ്പോള്‍ മമ്മി പപ്പായോട് പറഞ്ഞ് ഒരു ലെറ്റര്‍ എഴുതിത്തന്നു...ബഹുമാനപ്പെട്ട മോഹന്‍ സാര്‍, ഇനി എന്റെ മകനെ തല്ലരുത്.......അങ്ങനെ ഒരെഴുത്ത്. പക്ഷെ ഞാന്‍ വീണ്ടും കണക്ക് തെറ്റിച്ചപ്പോള്‍ അയാള്‍ പറഞ്ഞു...നിന്റെ അപ്പന്‍ പറഞ്ഞത് നിന്നെ തല്ലരുതെന്നാ പക്ഷെ നിന്നെ തല്ലാതിരിക്കാന്‍ എനിക്കാവില്ല.....മിനിമം അഞ്ച് അടിയെങ്കിലും ദിവസവും കിട്ടിയിരുന്നു, വീട്ടില്‍ ചെന്ന് ഉറങ്ങുന്നതുവരെ ആ വേദന പോകില്ല...ചോരപൊടിച്ചും തിണര്‍ത്തും കിടക്കുന്ന പാടുകള്‍....ഞാന്‍ അതില്‍ എണ്ണപുരട്ടി കിടന്നുറങ്ങും...വയറ്റില്‍ വേദനയാണെന്ന് പറഞ്ഞ് കുറേനാള്‍ ഞാന്‍ സ്‌കൂളില്‍ പോകാതെ രക്ഷപെട്ടു. അപ്പെന്‍ഡിസൈറ്റിസ് ആണ് ഓപ്പറേഷന്‍ വേണം എന്ന് ഡോക്ടര്‍ പറഞ്ഞപ്പോള്‍ അത്ഭുതകരമായി ആ വേദന ഇല്ലാതായി....മോഹന്‍സാറില്‍നിന്നും രക്ഷപെടാന്‍ ഞങ്ങള്‍ക്ക് ഒരു മാര്‍ഗ്ഗവും ഇല്ലായിരുന്നു...ഒടുവില്‍ ഗീവര്‍ഗ്ഗീസ് പുണ്യാളനെ ഞങ്ങള്‍ ശരണം പ്രാപിച്ചു. ഞങ്ങള്‍ അഞ്ചുപേര്‍......കപ്പിലണ്ടി പെറുക്കിവിറ്റും റബ്ബര്‍ക്കാ വിറ്റും വീട്ടില്‍ നിന്ന് മോഷ്ടിച്ചും സമ്പാദിച്ച കുറേ നാണയത്തുട്ടുകള്‍ ഗീവര്‍ഗ്ഗീസ് പുണ്യാളന് നേര്‍ച്ചയിട്ടുകൊണ്ട് പ്രാര്‍ത്ഥിച്ചു. മോഹന്‍സാറിന്റെ കൈ ബൈക്കേന്ന് വീണ് ഒടിയണേ...ഒടിഞ്ഞുപോണേ.....പുണ്യാളന്‍ കുതിരപ്പുറത്തുവന്ന് വലിയ ഒരു ഓന്തിനെ കുന്തത്തിന് കുത്തിക്കൊല്ലുന്ന പള്ളിയിലെ പ്രതിമ ഞങ്ങളുടെ അത്ഭുതാദരവുകള്‍ പിടിച്ചുപറ്റിയിരുന്നു. ഇത്ര വലിയ കാര്യം ചെയ്യുന്ന പുണ്യാളന് ഒരു ബൈക്ക് ആക്‌സിഡന്റ് എത്ര നിസ്സാരം...മോഹനന്‍ ബൈക്കില്‍ പാഞ്ഞുപോകുമ്പോള്‍ ആ കുന്തം ഒന്ന് നീട്ടിക്കൊടുത്താല്‍ പോരെ....നിസ്സാരകാര്യം.....പക്ഷെ ഞങ്ങളുടെ തന്ത്രപൂര്‍വ്വമുള്ള നീക്കം മോഹന്‍സാര്‍ എങ്ങനെയൊ അറിഞ്ഞു...ഞങ്ങളെ തലങ്ങും വിലങ്ങും അയാള്‍ അടിച്ചു...ഗീവര്‍ഗ്ഗീസ്സ് പുണ്യാളനും കാല് വാരിക്കളഞ്ഞു.

എന്റെ മനസ്സില്‍ ചുരലിന് അടികൊണ്ടതുപോലെ തിണര്‍ത്ത് കിടക്കുന്ന ഓര്‍മ്മ ചിഞ്ചു എന്ന പെണ്‍കുട്ടിയെ അയാള്‍ തല്ലിയതിന്റേതാണ്....സാറിന്റെ ഇരിപ്പിടത്തിന്റെ സൈഡില്‍ ചിഞ്ചു നില്‍ക്കുന്നു..ചൂരല്‍ ഓങ്ങിപ്പിടിച്ചുകൊണ്ട് മോഹന്‍സാര്‍ ചോദ്യം ചോദിക്കുന്നു...ചിഞ്ചുവിന്റെ ചുണ്ടും ദേഹവും സ്വരവും വിറക്കുന്നുണ്ട്...കശാപ്പ് ശാലയില്‍ ആടിനെ കൊല്ലുന്നത് മറ്റ് ആടുകള്‍ നോക്കിനില്‍ക്കുന്നതുപോലെ......വിതുമ്പുന്ന...പിടക്കുന്ന ഹൃദയത്തോടെ ഞങ്ങള്‍ സഹപാഠികള്‍ നോക്കിയിരുന്നു...ശീല്‍ക്കാരത്തോടെ ഓരോ അടി വീഴുമ്പോഴും ചിഞ്ചുവിനൊപ്പം ഞങ്ങളും നടുങ്ങി. എട്ടോ പത്തോ അടി കഴിഞ്ഞപ്പോള്‍ പെട്ടന്ന് ഒരടിക്കൊപ്പം ചിഞ്ചുവിന്റെ കാലിലൂടെ മൂത്രം ഒഴുകി....ചിലകുട്ടികള്‍ ഉറക്കെ ചിരിച്ചു...ദേ ചിഞ്ചു മുള്ളി....ആരോക്കയോ പറഞ്ഞു. മോഹന്‍സാര്‍ ആശ്ചര്യ ഭാവത്തില്‍ പുഞ്ചിരിച്ചുകൊണ്ട് താടിയില്‍ ചൂണ്ടുവിരല്‍ ഊന്നി ചിഞ്ചുവിനെ നോക്കിയിരുന്നു. ഭയന്നും നാണംകെട്ടും നനഞ്ഞ് വിറക്കുന്ന ഒരു കിളിക്കുഞ്ഞിനേപ്പോലെ ചിഞ്ചു തലകുനിച്ചുനിന്നു....എന്റെ കൊച്ചുശരീരത്തില്‍ നിന്നും അദൃശ്യനായ എന്റെ ആത്മാവ് പുറത്തേക്ക് കുതറിച്ചാടി...മോഹന്‍സാറിന്റെ ചെവിട്ടത്ത് മാറിമാറി അടിച്ചു.......ഒരു പക്ഷെ ചിഞ്ചു ഇന്ന് വിവാഹിതയായിരിക്കാം...കുട്ടികളുടെ അമ്മയായിരിക്കാം...അറിയില്ല...എന്റെ സഹപീഢിതര്‍ പലരും എന്ന് എവിടെയുണ്ടെന്ന് അറിയില്ല...പക്ഷെ എനിക്കുറപ്പുണ്ട്...മോഹന്‍ സാറിനെ ആരും മറന്നിട്ടുണ്ടാവില്ല...പ്രീയപ്പെട്ട ചിഞ്ചൂ നിനക്ക് വേണ്ടി ഞാന്‍ മോഹന്‍സാറിനെ ശപിക്കുന്നു......അയാള്‍ ഇന്ന് ജീവിച്ചിരിപ്പുണ്ടോ എന്ന് അറിയില്ല..മരിച്ചെങ്കില്‍ നരകത്തിലെ ഏതെങ്കിലും വറചട്ടിയിലായിരിക്കും....ജീവനോടെയുണ്ടെങ്കില്‍....മോഹനാ എന്തിനായിരുന്നു ഞങ്ങളുടെ നിഷ്‌കളങ്ക ബാല്യത്തില്‍ നീ ഭീതിയുടെ നഞ്ച് കലക്കിയത്?...ഞങ്ങളുടെ പുഞ്ചിരിപ്പൂക്കളെ തല്ലിക്കൊഴിച്ചതിന്.....സ്‌നേഹത്തിന്റെ മധു മാത്രം രുചിച്ച ഞങ്ങളുടെ ചുണ്ടില്‍ വെറുപ്പിന്റെ കാഞ്ഞിരച്ചാറ്പുരട്ടിയതിന്.......സ്‌കൂളിലെ മണിയടിശബ്ദം കേള്‍ക്കുമ്പോള്‍പോലും ഞങ്ങളുടെ ഹൃദയവേഗം കൂട്ടിയതിന് നിന്നെ ഞാന്‍ ശപിക്കുന്നു.......മോഹനാ നായിന്റെ മോനെ...നിന്നെ ഇടിവെട്ടി...പാമ്പുകടിച്ച്...വെണ്ണീറ്തൂളി....മുടിഞ്ഞ്..നാറാണക്കല്ല് പടിച്ച്....നശിച്ച് പോട്ടെ.........നശിച്ച്‌പോട്ടെ........

ചെത്തിക്കളഞ്ഞുകൂടെ.....

2010-02-06T21:07:00.000-08:00

രാഷ്ട്രദീപിക ഫ്‌ളാഷില്‍ വന്ന ഒരു വാര്‍ത്തയുടെ സാരാംശം ഏതാണ്ട് ഇങ്ങനെയാണ്. ആളോഴിഞ്ഞ കാടുപിടിച്ച ഒരു പാര്‍ക്കില്‍ രഹസ്യ സല്ലാപം നടത്തിയിരുന്ന കമിതാക്കളെ നാട്ടുകാര്‍ വളഞ്ഞുപിടിച്ചു. ചോദ്യം ചെയ്യലില്‍ ഇവര്‍ കോളേജ് സ്റ്റുഡന്റ്‌സാണെന്ന് മനസ്സിലായി. നാട്ടുകാര്‍ കോളേജിലേക്ക് ഫോണ്‍ ചെയ്ത് കുറ്റകൃത്യം കോളേജ് അധികൃതരെ അറിയിച്ചു. പെണ്‍കുട്ടിയുടെ വീട്ടില്‍ ഫോണ്‍ ചെയ്ത് മാതാപിതാക്കളെ വിളിച്ചുവരുത്തി. ക്രുദ്ധനായ പെണ്‍കുട്ടിയുടെ അച്ഛന്‍ ഓണ്‍ ദ സ്‌പോട്ടില്‍ മകളുടെ ചെവിട്ടത്ത് അടിക്കുന്നു..നാട്ടുകാര്‍ കാമുകന്റെ ബൈക്കിന്റെ കാറ്റ് കുത്തിവിടുന്നു. പയ്യനെ നാട്ടുകാര്‍ തല്ലുന്നു...ഇങ്ങനെ തുടരുന്ന ഒരു വാര്‍ത്ത. ഇതേ സേവഭാവമുള്ള ഒരുപാട് വാര്‍ത്തകള്‍ ഈയിടെ കാണാറുണ്ട്.

സത്യത്തില്‍ ഈ കുട്ടികള്‍ എല്ത് തെറ്റാണ് ചെയ്തത്...എന്തുകൊണ്ട് അവര്‍ ആളൊഴിഞ്ഞ പാര്‍ക്ക് തിരഞ്ഞെടുത്തു....വിശാലമായ ഭൂമിയില്‍ അവര്‍ക്ക് പ്രണയം കൈമാറാന്‍ ഒരിടം കിട്ടിക്കാണില്ല..ഇന്റ്യയില്‍ പ്രത്യേകിച്ചരം കേരളത്തില്‍ ആണിനേയും പെണ്ണിനേയും ഒരുമിച്ച് കണ്ടാല്‍ സംശയംനിറഞ്ഞ നൂറ് കണക്കിന് കണ്ണുകള്‍ അവരെ വേട്ടയാടും...അവരെ കയ്യോടെ പിടിച്ച നാട്ടുകാര്‍ ആരോപിക്കുന്നത് അവര്‍ കാടിന്റെ മറവിലിരുന്ന് പരസ്പരം ചുംബിച്ചെന്നാണ്..അത് അക്ഷന്തവ്യമായ കുറ്റംതന്നെ....അവര്‍ കണ്ണുകളെ ഭയന്ന് ഒരു ലോഡ്ജില്‍ മുറിയെടുത്തിരുന്നെങ്കില്‍ ഒന്നെങ്കില്‍ ലോഡ്ജ് ഉടമതന്നെ ഒളിച്ചുവച്ച ക്യാമറയില്‍ അവരുടെ കേളികള്‍ പകര്‍ത്തി ഇന്റര്‍നെറ്റിലൂടെ ലോകത്തിന് സംഭാവന ചെയ്യുമായിരുന്നു..അല്ലെങ്കില്‍ നാട്ടുകാര്‍ പോലീസിനെ ഫോണ്‍ ചെയ്ത് വരുത്തി അവരെ അറസ്റ്റ് ചെയ്യിക്കുമായിരുന്നു. ഇത്രയും സദാചാരമൂല്യങ്ങളെ മുറുകെപ്പിചിക്കുന്ന ഒരു സമൂഹത്തില്‍ തുടര്‍ന്നും ജീവിക്കാന്‍ ശപിക്കപ്പെട്ടവരാകയാല്‍ അവരുടെ ശിഷ്ടജീവിതം മനോഹരമായിരിക്കുമെന്ന് പ്രത്യേകിച്ച് പറയേണ്ടതില്ലല്ലോ..

ഏതെങ്കിലുമ ടൗണിലുടെ കടന്നുപോകുമ്പോള്‍ സിനിമാ പോസ്റ്ററഉകളും കട്ടൗട്ടുകളും ഒന്ന് ശ്രദ്ധിക്കൂ..വടിവാള്‍....മിഷ്യന്‍ ഗണ്ണ്...തുടങ്ങിയ മാരകായുദധങ്ങളുമായി നായകന്‍.

പുരണ്ട രക്തവുമായി വില്ലന്‍....എണ്‍പത് ശതമാനവും വയലന്‍സിന്റെ അരുണദൃശ്യങ്ങള്‍....നിരത്തില്‍ കുഞ്ഞുങ്ങള്‍ ഭിക്ഷ തെണ്ടി നടക്കുന്നു...അബോധത്തിന്റെ സമാധാനം വില്‍ക്കുന്ന ബീവറേജസിനുമുന്നില്‍ നീണ്ടക്യൂ...ഇതിനേപ്പറ്റിയോന്നും സദാചാരമൂല്യച്ച്യുതിയെന്ന് ആരും പറഞ്ഞ് കേട്ടിട്ടില്ല...

കാമുകന്റെ കൂടെ സമയം ചിലവഴിച്ചതിന് മകളുടെ മുഖത്തടിച്ച അച്ഛന്‍ തന്നെ നാളെ ഒരുവന്റെ കയ്യില്‍ മകളുടെ കൈപിടിച്ച് കൊടുക്കും. ഇതിനെ സമൂഹം അംഗീകരിച്ച കൂട്ടിക്കൊടുപ്പെന്ന് പറഞ്ഞാല്‍ സദാചാരവാദികളുടെ ചോര തിളക്കും. ശരിക്ക് തിളക്കട്ടെ.....അങ്ങനെ വെട്ടിത്തിളച്ചെങ്കിലും അതിലെ വിഷാംശം നിര്‍വ്വീര്യമാകട്ടെ....

പ്രണയപൂര്‍വ്വമുള്ള ലൈംഗികതയും വ്യഭിചാരവും തമ്മില്‍ ഒരേയൊരു ഘടകത്തിന്റെ വ്യത്യാസമേയുള്ളു. പ്രണയം എന്ന ഘടകത്തിന്റേതുമാത്രം. ഒരു അറേഞ്ചിഡ് മാരേജില്‍ ആണിനേയും പെണ്ണിനേയും കൂട്ടിച്ചേര്‍ക്കുന്ന ഘടകങ്ങള്‍ മറ്റുചിലതാണ്. പണം...പാരമ്പര്യം...സമൂഹത്തിലെ സ്ഥാനം...വിദേശത്ത് ജോലി.. അങ്ങനെ വെയ്റ്റുള്ള പലതും ഒരു തട്ടില്‍ തൂങ്ങിയാടുമ്പോള്‍ മറുതട്ടില്‍ അപ്പൂപ്പന്‍ താടിപോലെ ഭാരമുള്ള വെറും പ്രണയം...അതിനെയാരും ശ്രദ്ധിക്കാറില്ല...പക്ഷെ അതില്ലാതെയുള്ള ലൈംഗികതയാണത്രെ വ്യഭിചാരം....അങ്ങനെ നോക്കുമ്പോള്‍ ഒരച്ഛന്‍ മകളെ കൈ പിടിച്ച് കൊടുക്കുന്നത് എന്തിന്.......

പ്രണയത്തിന്റേയും ലൈംഗികതയുടേയും സ്വാതന്ത്ര്യത്തേപ്പറ്റി പറയുമ്പോള്‍ പലരും ചോദിക്കുന്ന ഒരു ചോദ്യമുണ്ട്.....നമ്മുടെ സ്വന്തം മക്കളാണ് ഇങ്ങനെ പോകുന്നതെങ്കില്‍ നമ്മള്‍ സഹിക്കുമോ.....അവരോട് ഒന്ന് ചോദിക്കൂ..പണ്ട് നിങ്ങള്‍ ഒരു യുവാവായിരുന്നപ്പോള്‍ ഒരു പെണ്ണിനേയും നിങ്ങള്‍ ചുംബിച്ചിട്ടില്ലേ...തോട്ടിട്ടില്ലേ....ഉണ്ടെന്ന് അപൂര്‍വ്വം ചിലരെ സമ്മതിക്കുകയുള്ളു...അങ്ങനെയുള്ള നീചകൃത്യങ്ങള്‍ ചെയ്യാത്ത പുണ്യാളന്മാര്‍ അതേ ആഗ്രഹത്തോടെ നോക്കിയിട്ടെങ്കിലുമുണ്ടാകും...നോട്ടം സ്പര്‍ശം തന്നെയാണ്...മനസ്സാ ചെയ്യുന്നതും കര്‍മ്മം തന്നെയാണ്...മനസ്സുകൊണ്ടുപോലും അത് ചെയ്യാത്തവന്‍ ഒന്നെങ്കില്‍ യോഗി അല്ലെങ്കില്‍ രോഗി...രണ്ട് കൂട്ടരേയും ഈ ആലോചനയില്‍ പരിഗണിക്കേണ്ടതില്ല....അന്ന് നിങ്ങളുടെ പ്രണയത്തിനും കാമത്തിനും പാത്രമായ പെണ്‍കുട്ടികള്‍ക്കൊന്നും അച്ഛനമ്മമാര്‍ ഇല്ലെന്നാണൊ നിങ്ങള്‍ കരുതുന്നത്.....

കാമുകീകാമുകന്മാരെ പാത്തിരുന്ന് പിടിച്ച നാട്ടുകാരുടെ യഥാര്‍ത്ഥ പ്രശ്‌നം എന്തായിരുന്നു...ജീവിതത്തില്‍ പ്രണയത്തിനെതിരെ കൊടുവാളെടുക്കുന്ന ഇവര്‍ എല്ലാവരുംതന്നെ പ്രണയസിനിമകള്‍ ആവേശത്തോടെ കാണുന്നവരാണ്...ഇറങ്ങുന്ന ഭൂരിഭാഗം സിനിമകളുടേയും തീം പ്രണയമാണ്താനും...സിനിമയിലെ പ്രണയം സമൂഹം സ്വീകരിക്കുന്നു. ജീവിതത്തിലെ പ്രണയം അതേസമൂഹം എതിര്‍ക്കുന്നു....കാരണം..ഓരോ പ്രേക്ഷകനും തീയേറ്ററിലെ ഇരുട്ടില്‍ സിനിമയിലെ നായകനുമായി താതാത്മ്യപ്പെടുന്നു...നായകന്‍ അവന്‍തന്നെയാണ്....ജീവിതത്തില്‍ നായകന്‍ മറ്റൊരുവനാണ്...തനിക്ക് സാധിക്കാത്തത് സാധിച്ച മറ്റൊരുവന്‍...അത് അനുവദിക്കരുത്...മനശാസ്ത്രപരമായി പലപേരുകള്‍ വിളിക്കാമെങ്കിലും പച്ചമലയാളത്തില്‍ അസൂയ എന്ന് വിളിക്കാം...അല്ലെങ്കില്‍ മലയാളിയുടെ അടിസ്ഥാന വികാരമെന്നോ മറ്റോ വിളിക്കാം...

അടിച്ചമര്‍ത്തപ്പെട്ട വികാരങ്ങളോടെ ജീവിതം കഴിച്ചുകൂട്ടിയ ഭീരുക്കള്‍ക്ക് നിഷ്‌കളങ്കരായ യുവതീയുവാക്കള്‍ അവരുടെ സ്‌നേഹവും ഊഷ്മളതയും പങ്കിടുന്നത് കണ്ട് നില്‍ക്കുവാനുള്ള ശേഷിയില്ല...പ്രണയിക്കാത്ത ആ മാന്യന്റെ രാത്രികളെ ഉത്തേജിപ്പിച്ചത് വ്യഭിചാര സ്വപ്‌നങ്ങള്‍ മാത്രം....മറ്റുള്ളവരുടെ രഹസ്യങ്ങളിലേക്ക് പാളിനോക്കാന്‍ വെമ്പുന്ന കേരളത്തിന്റെ സ്വന്തം സദാചാരവാദികളുടെ കണ്ണില്‍ പകയാണ്...ബലം പ്രയോഗിച്ചും കാശ്‌കൊടുത്തും ഈ പട്ടികള്‍ പുല്ല് തിന്നും....പുല്ല് മേയുന്ന പശുക്കുട്ടികളേയും തിന്നും...

ശ്വസനം പോലെ കൂടിവെള്ളം പോലെ നിര്‍മ്മലവും സ്വതന്തവുമായിരിക്കണം ലൈംഗികതയും...അതില്‍ നിന്നാണ് ജീവന്‍...അതില്ലാതെ ജീവിതവുമില്ല...ഈ കള്ള സദാചാരവാദികള്‍ ജീവിച്ചിട്ടില്ല...അവര്‍ ജീവനുള്ളപ്പോള്‍ തന്നെ മരിച്ചവരാണ്....മരിച്ച് ജീവിക്കുന്നവരാണ്...പ്രേതാത്മാക്കള്‍....ശവങ്ങള്‍....

എല്ലാ മതങ്ങളും പ്രണയത്തിനെതിരാണ്...ചില ഭാരതീയ ദര്‍ശനങ്ങള്‍ മാത്രം അതിനെ പിന്‍തുണക്കുന്നു...മാനുകളുടെ രൂപത്തില്‍ രതിക്രീഡയില്‍ ഏര്‍പ്പെട്ടിരുന്ന മുനിയേയും പത്‌നിയേയും അമ്പെയ്ത് വധിച്ച രാജാവിന് കിട്ടിയത് ശാപമാണ്...കേരളത്തില്‍ ഇന്ന് അത് പുണ്യമായിരിക്കും....ലിംഗാരാധനയും യോനീപൂജയും നിലനിന്നിരുന്ന രാജ്യം.....കൃഷ്ണന്റെ രാസലീല അന്ന് ഒരു ക്രിമിനല്‍ കുറ്റമായിരുന്നില്ല...ഖജുരാഹോയിലെ ലാവണ്യസൃഷ്ടികള്‍ പ്രണയത്തിന്റെ സ്വാതന്ത്ര്യമല്ലെ ഉദ്‌ഘോഷിക്കുന്നത്...അത്ര സുന്തരമായിരുന്ന ഈ നാട് എങ്ങനെ ഈ സദാചാരരോഗികള്‍ കയ്യടക്കി...നിങ്ങള്‍ എന്തിനാണ് ലോഡ്ജ് മുറികള്‍ റെയ്ഡ് ചെയ്യുന്നത്.....കമിതാക്കളെ വേട്ടയാടുന്നത്.....നിങ്ങള്‍ മന്ത്രം ജപിച്ചാണല്ലൊ കുട്ടിളെ ജനിപ്പിക്കുന്നത്...അവര്‍ ഉണ്ടാകുമ്പോളേ ആ വൃത്തികെട്ട അവയവം അങ്ങ് ചെത്തിക്കളഞ്ഞാല്‍ പോരെ.............

സര്വ്വ മതസമ്മേളനം : സെന്റ് തോമസ്സ് കോളേജ് പാലാ(1984)

2009-11-07T19:35:00.000-08:00

1-2-1984 ല്‍ പാലാ സെന്റ് തോമസ്സ് കോളേജില്‍ വച്ച് സംഘടിപ്പിക്കപ്പെട്ട സര്‍വ്വ മതസമ്മേളനത്തില്‍വച്ച് ഡോ:പി.ചിദംബരനാഥ് സനാതനമായ ഹിന്ദുധര്‍മ്മം എന്ന വിഷയത്തേപ്പറ്റി പ്രസംഗിക്കുകയുണ്ടായി. അദ്ദേഹത്തിന്റെ പ്രസംഗം അന്ന് വിവാദമാകുകയും എല്ലായ്‌പ്പോഴുമെന്നതുപോലെ ക്രമേണ വിസ്മരിക്കപ്പെടുകയും ചെയ്തു. അബോധത്തിന്റെ ആലസ്യപൂര്‍ണമായ മായക്കാഴ്ച്ചകളില്‍ ആണ്ടുപോയ ചിലരെയെങ്കിലും ആ വാക്കുകള്‍ അസ്വസ്ഥരാക്കി...അനാവശ്യരക്തച്ചൊരിച്ചിലുകളും മതവൈരങ്ങളും പുതുമയില്ലാക്കാഴ്ച്ചകളായ ഇന്ന് ആ വാക്കുകള്‍ കൂടുതല്‍ പ്രസക്തമാണെന്ന് തോന്നുന്നതുകൊണ്ട് ആ പഴയ പ്രസംഗം താഴെ കൊടുക്കുന്നു.

പൂജ്യന്മാരായിരിക്കുന്ന എന്റെ ഗുരുക്കന്മാരെ, ബഹുമാനപ്പെട്ട അദ്ധ്യക്ഷന്‍, പ്രീയപ്പെട്ട സഹോദരീ സഹോദരന്മാരെ,

ഇന്ന് നാം ഇവിടെ കൂടിയിരിക്കുന്നത് വിവിധ മതങ്ങളേപ്പറ്റിയുള്ള അഭിപ്രായങ്ങളും അനുഭവങ്ങളും പരസ്പരം കൈമാറുന്നതിനുവേണ്ടിയാണല്ലോ. മതം എന്ന വാക്കിന്റെ അര്‍ത്ഥംതന്നെ ആദ്യം ചിന്തിക്കേണ്ടിയിരിക്കുന്നു. മതം എന്നതിനെ ഫിസിക്‌സ്, കെമ്‌സ്ട്രി, ബയോളജി എന്നിവയേപ്പോലെയുള്ള ഒരു ശാസ്ത്രമായി ഞാന്‍ കാണുന്നു. ഫിസിക്‌സ് എനര്‍ജിയേപ്പറ്റിയും കെമിസ്ട്രി വസ്തുഘടനയേപ്പറ്റിയും ബയോളജി ജീവികളേപ്പറ്റിയും പഠിക്കുകയും പഠിപ്പിക്കുകയും ചെയ്യുന്നു. അതുപോലെ സമസ്ത പ്രപഞ്ചത്തേയും നിയന്ത്രിക്കുന്ന ഈശ്വരനേപ്പറ്റിയുള്ള ഒരു ശാസ്ത്രീയ പഠനമാകുന്നു മതം.

ശാസ്ത്രീയപഠനം എന്നുപറയുമ്പോള്‍ തിയറിയും പ്രാക്ടിക്കലും ഉള്‍ക്കൊള്ളുന്നു. പ്രാക്ടിക്കല്‍ ചെയ്ത് തെളിയിക്കാന്‍ കഴിയാത്ത തിയറിയെ അംഗീകരിക്കാന്‍ സാധ്യമല്ല. ഒരു ശാസ്ത്രത്തില്‍ അന്ധമായ വിശ്വാസത്തിന്റെ ആവശ്യം ഇല്ല. അതുപോലെതന്നെ മതമെന്ന ശാസ്ത്രത്തിലും അന്ധമായ വിശ്വാസത്തിന്റെ ആവശ്യമില്ല. ഈ ഭൂമിയില്‍ ഒരാള്‍ ഈശ്വരനെ കാണുകയും സംസാരിക്കുകയും അനുഭവിക്കുകയും ചെയ്തിട്ടുണ്ടോ? ഉണ്ടെന്നുവരുകില്‍ ശാസ്ത്ര തത്വപ്രകാരം ആ ഈശ്വരനെ കാണുവാനും സംസാരിക്കുവാനും അനുഭവിക്കുവാനും ഉള്‍ക്കൊള്ളുവാനും മറ്റുള്ളവര്‍ക്കും സാധിക്കണം.

അങ്ങനെയുള്ളതായ ആ ഈശ്വരന്‍ എല്ലാ ജീവജാലങ്ങളേയും ഒരുപോലെ കരുതുന്നവനും സ്‌നേഹിക്കുന്നവനും ആയിരിക്കും. സര്‍വ്വശക്തനും സ്‌നേഹനിധിയുമായിരിക്കുന്ന ആ ഈശ്വരന്‍ ഹിന്ദുവിനേയും ക്രിസ്ത്യാനിയേയും മുസല്‍മാനേയും യഹൂദനേയും ഒരുപോലെ സൃഷ്ടിക്കുകയും രക്ഷിക്കുകയും സംഹരിക്കുകയും ചെയ്യും.

ഭാരതത്തിലെ വേദങ്ങളിലും പുരാണങ്ങളിലും ഇതിഹാസങ്ങളിലും ഈശ്വരനെ ദര്‍ശിച്ച് സംസാരിച്ച് അനുഭവിച്ചിട്ടുള്ള ധൃവന്‍, പ്രഹ്‌ളാദന്‍, അര്‍ജ്ജുനന്‍, നാരദന്‍ മുതലായവരുടെ ചരിത്രങ്ങള്‍ ഉണ്ട്.

ഓള്‍ഡ് ടെസ്റ്റമെന്റില്‍(പഴയ നിയമത്തില്‍)മോസ്സസ്സ് ഈശ്വരനെ ദര്‍ശിച്ച് സംസാരിച്ചതായി പറയുന്നു. ന്യൂ ടെസ്റ്റമെന്റില്‍(പുതിയ നിയമം)മേരീ പുത്രനായ, മനുഷ്യപുത്രനായ ഈശോ സ്വര്‍ഗ്ഗസ്ഥനായ പിതാവിന്റെ(ഈശ്വരന്റെ)സാന്നിധ്യം അനുഭവിച്ചതായി എഴുതിയിരിക്കുന്നു.

ഖുറാനില്‍ അള്ള(ഈശ്വരന്‍)പ്രവാചകനായ മുഹമ്മദിനോട് സംസാരിച്ചതായി പറയുന്നു.

പത്തൊന്‍പതാം നൂറ്റാണ്ടിന്റെ ഉത്തരാത്ഥത്തില്‍ ജീവിച്ചിരുന്ന ശ്രീരാമകൃഷ്ണപരമഹംസന്‍ ഈശ്വരനെ കണ്ടിട്ടുണ്ട് എന്ന് പറയുന്നു.

ഈ അഭിപ്രായങ്ങളെല്ലാം നാം മാനിക്കേണ്ടിയിരിക്കുന്നു. മുന്‍ പറഞ്ഞതായ വ്യക്തികള്‍ക്കെല്ലാം ഈശ്വരനെ കാണുവാനും അനുഭവിക്കുവാനും സാധിച്ചിട്ടുണ്ടെങ്കില്‍ ആ ഈശ്വരനെ കാണുവാനും സംസാരിക്കുവാനും അനുഭവിക്കുവാനും നമുക്കും അവകാശമുണ്ടെന്ന് യുക്തിവാദത്തിലൂടെ സ്ദ്ധാന്തിക്കാം.

ഈശ്വരദര്‍ശനം കിട്ടിയിട്ടുള്ള ആ വ്യക്തികള്‍ ഏത് പ്രക്രിയ(procedure) അനുഷ്ടിച്ചാണോ ഈശ്വരനെ കണ്ടത്, ഈ പ്രക്രിയ നാമും അനുഷ്ടിച്ചാല്‍ നമുക്കും ഈശ്വരനെ കാണുവാന്‍ സാധിക്കണം, അങ്ങനെ ചെയ്തിട്ടും ഈശ്വരദര്‍ശനം കിട്ടുന്നില്ല എന്നുവരുകില്‍ ആ പ്രക്രിയ(procedure) ചെയ്ത രീതിയില്‍ എന്തോ തെറ്റുണ്ട് എന്ന് തീരുമാനിക്കാം. ഇതാണ് ഭാരതീയ ദര്‍ശനം. കെമിസ്ട്രി പ്രഫസ്സര്‍ ഹൈഡ്രജനും ഓക്‌സിജനും കൂട്ടിയോജിപ്പിച്ച് വെള്ളമുണ്ടാക്കുന്നു. ഊര്‍ജ്ജതന്ത്രജ്ഞന്‍ അന്തരീക്ഷത്തെ തണുപ്പിക്കുമ്പോള്‍ വെള്ളമുണ്ടാകുന്നു. പ്രകൃതി ശാസ്ത്രജ്ഞന്‍ ഇലകളില്‍ നടത്തുന്ന പ്രവര്‍ത്തനങ്ങളുടെ ഫലമായി ജലം ഉണ്ടാകുന്നതായി കാണിക്കുന്നു. രസതന്ത്രജ്ഞന്റേയും ഊര്‍ജ്ജതന്ത്രജ്ഞന്റേയും പ്രകൃതി ശാസ്ത്രജ്ഞന്റേയും പരീക്ഷണങ്ങള്‍ വ്യത്യസ്തങ്ങളായിരുന്നു. എന്നാലും എല്ലാവര്‍ക്കും കിട്ടിയത് വെള്ളം തന്നെയാണ്.

ഇതുപോലെതന്നെ ഭാരതീയനും ഇസ്രയേല്‍ക്കാരനും റോമാക്കാരനും അറേബ്യക്കാരനും വ്യത്യസ്തമായ മാര്‍ഗ്ഗങ്ങളിലൂടെ ഒരേ ഈശ്വരനെത്തന്നെ പ്രാപിക്കുവാന്‍ സാധിക്കും. സര്‍വ്വ ശക്തനായ ഈശ്വരന്‍ തന്റെ സമസ്ത സൃഷ്ടിജാലങ്ങളേയും ഒരച്ഛന്‍ തന്റെ മക്കളെയെന്നപോലെ ഒരുപോലെ സ്വീകരിക്കുകയും സ്‌നേഹിക്കുകയും ചെയ്യും. എന്നാല്‍ അറിവില്ലായ്മകൊണ്ട് ചില കുട്ടികള്‍ പറയും പിതാവ് എന്റേത് മാത്രമാണ,് പിതാവിന് എന്നോട് മാത്രമേ സ്‌നേഹമൊള്ളു എന്ന്. തന്റെ സഹോദരന് പിതാവില്ലെന്നും, പിതാവിന് അവനോട് സ്‌നേഹമില്ലെന്നും പിതാവ് അവനെ ശിക്ഷിക്കുമെന്നും അറിവില്ലാത്ത മകന്‍ പറയും. പിതാവ്, ഇപ്രകാരം പറയുന്ന പുത്രനോട്

സഹതപിക്കുകയും, ഇവന്‍ പറയുന്നത് ഇവന് അറിവില്ലാത്തതിനാലാണെന്നും ഇവന് നല്ല അറിവ് ഉണ്ടാകണമെ എന്നും ആ സ്‌നേഹനിധിയായ പിതാവ് ആഗ്രഹിക്കും.

അടുത്തതായി എനിക്ക് ആധികാരികമായി പറയുവാനുള്ളത് ഈശ്വര ദര്‍ശനം നമുക്ക് കിട്ടുമൊ ഇല്ലയൊ എന്നുള്ളതിനേക്കുറിച്ചാണ്. ഞാന്‍ പറയുന്നു നാമെല്ലാം ഈശ്വരദര്‍ശനം കിട്ടുവാന്‍ അര്‍ഹരാണെന്ന് ഭാരതീയനും, ഇസ്രയേലിക്കും, റോമാക്കാരനും അറേബ്യക്കാരനും ഈശ്വരദര്‍ശനം കിട്ടും. ഞാന്‍ ഒരു ഈശ്വരാന്വേഷകനായും, യുക്തിവാദിയായും നിരീശ്വരവാദിയായും എം സി ജോയസഫിന്റേയും കോവൂരിന്റേയും ഇടമറുകിന്റേയും അനുയായിയായും നടന്നിട്ടുണ്ട്. ഈശ്വരനെ അന്വോഷിച്ച് അമ്പലങ്ങളിലൂടെയും പള്ളികളിയൂടെയും ശ്മശാനങ്ങളിലൂടെയും അലഞ്ഞ് തിരിഞ്ഞിട്ടുണ്ട്. അവസാനം നാമേവരും പരസ്പരം ഇവിടെ കാണുന്നതിനേക്കായിലും വ്യക്തമായി ഈ ഈശ്വരനെ ഞാന്‍ ദര്‍ശിച്ചിട്ടുണ്ട്. അരൂപിയായും നാമാതീതനായും ഈശോയായും ശിവനായും കാളിയായും, പാര്‍വ്വതിയായും സരസ്വതിയായും ഞാന്‍ ദര്‍ശിച്ചിട്ടുണ്ട്.

ഈശ്വരാന്വേഷണ കാലഘട്ടത്തില്‍ ഉള്ളതായ അനുഭവങ്ങള്‍ അനുഭവിച്ചിട്ടുള്ളവര്‍ക്കുമാത്രമെ മനസ്സിലാവുകയുള്ളു. ലൗകികരായ നമ്മുടെ സഹോദരങ്ങള്‍ക്ക് ഈ അനുഭവങ്ങല്‍ ഭ്രാന്തായി തോന്നും. വഴിതെറ്റി നടക്കുന്ന ഈ സഹോദരനെ ഊളന്‍ പാറയിലൊ കുതിരവട്ടത്തോ കൊണ്ടുപോയി ചികിത്സിക്കണമെന്ന് സ്‌നേഹനിധിയായ ആ സഹോദരന്മാര്‍ക്ക് തോന്നാം ഈശ്വരാന്വേഷണം എന്ന ശാസ്ത്രീയ പ്രക്രിയയേപറ്റി ആ സഹോദരന്മാര്‍ക്കോ ആ മനശാസ്ത്രജ്ഞന്മാര്‍ക്കൊ അറിവില്ലല്ലോ..അവര്‍ക്ക് ഭൗതിക ശാസ്ത്രങ്ങളേപ്പറ്റിയും വിദേശത്തുനിന്ന് കിട്ടിയ വിദ്യാഭ്യാസത്തേപ്പറ്റിയും മാത്രമെ അറിവുള്ളല്ലൊ. ലൗകിക സുഖഭോഗങ്ങളില്‍ മുഴുകിയ അവര്‍ക്ക് അദ്ധ്യാത്മിക ജീവിതചര്യകളേപ്പറ്റി മനസ്സിലാക്കുവാന്‍ സാധിക്കുകയില്ല. സര്‍വ്വ ശക്തനായ ഈശ്വരാ... സ്വര്‍ഗ്ഗസ്ഥനായ പിതാവേ ഇവരോട് പൊറുക്കേണമേ എന്നുമാത്രമേ പ്രാര്‍ത്ഥിക്കാനുള്ളു.

ബൈബിള്‍ വായിച്ച് പഠിച്ച് കൊന്തയും ധരിച്ച് ഈശോയെ അന്വേഷിച്ച് പള്ളികളിലൂടെ നടന്നപ്പോള്‍ ചില സഹോദരന്മാര്‍ പറഞ്ഞു. മാമോദീസ മുങ്ങുക എന്ന കടമ്പ കടന്നാല്‍ മാത്രമെ ക്രിസ്ത്യാനിയാകുവാനും ഈശോയെ കാണുവാനും സാധിക്കുകയുള്ളു എന്ന്.

മാമോദീസ മുങ്ങാതെതന്നെ ഈശോയെ സ്വന്തമാക്കാമെന്നും ക്രിസ്തുദേവന്റെ മുന്നില്‍ ഒരു സത്യക്രിസ്ത്യാനിയാകാമെന്നും എന്റെ ജീവിതാനുഭവത്തിലൂടെ ഞാന്‍ വിശ്വസ്സിക്കുന്നു.

ഒരു അദൈ്വത വേദാന്തിയായ ഞാന്‍ ഈശോയുടെ ബൈബിളിനെ, പുതിയ നിയമത്തെ വേദാന്ത ശാസ്ത്രത്തിലെ ഒരു ഉയര്‍ന്ന ഗ്രന്ഥമായി കണക്കാക്കുന്നു. ബൈബിളിന്റെ വേദാന്തപരമായ അര്‍ത്ഥം ഗ്രഹിക്കണമെങ്കില്‍ ഈശ്വരാന്വേഷണമെന്ന വിദ്യാഭ്യാസശാഖയുടെ, മതം എന്ന ശാസ്ത്രത്തിന്റെ, ബാലപാഠങ്ങളെങ്കിലും പഠിച്ചിരിക്കണം. നാം സാധാരണ ബൈബിള്‍ പഠിക്കുന്നത് നാലാം സ്റ്റാന്റേഡ് കാരന്‍ ഷേക്‌സ്പിയര്‍ പഠിക്കുന്നത്‌പോലെയാണ്. അതിനാല്‍ പലര്‍ക്കും ബൈബിളിന്റെ അര്‍ത്ഥം മനസ്സിലാക്കുവാന്‍ സാധിക്കുന്നില്ല. എന്നിട്ട് കിണറ്റിലെ തവളകളേപ്പോലെ പരസ്പരം കലഹിക്കുകയും രക്തച്ചൊരിച്ചിലുകള്‍ ഉണ്ടാക്കുകയും ചെയ്യുന്നു.

അടുത്തതായി എനിക്ക് പറയുവാനുള്ളത് നാമും നമ്മുടെ ശരീരവും ഈശ്വരനും തമ്മിലുള്ള ബന്ധത്തെപ്പറ്റിയാണ്. എല്ലാ മതങ്ങളിലും വിശദീകരണം ആവശ്യപ്പെടുന്ന ചില ചോദ്യങ്ങളാണ്...ഞാന്‍ ആരാണ്..? ഞാന്‍ എങ്ങിനെ ഉണ്ടായി..? മരണം എന്നാല്‍ എന്താണ്...? മരണശേഷം ശരീരത്തിന് എന്ത് സംഭവിക്കുന്നു...? മരണശേഷം എനിക്ക് എന്ത് സംഭവിക്കുന്നു...? Doomsday(വിധിദിവസം) എന്നാല്‍ എന്താണ്...? ഞാനും ദൈവവും തമ്മിലുള്ള ബന്ധം എന്താണ്...? പാപം എന്നാല്‍ എന്താണ്..? സ്വര്‍ഗ്ഗം, നരകം, മോക്ഷം എന്നൊക്കെ പറഞ്ഞാല്‍ എന്താണ്..? വിവാഹം എന്ന കൂദാശഎന്താണ്...? സ്ത്രീയും പുരുഷനും തമ്മിലുള്ള ബന്ധം പാപമാണൊ...? ഇതുപോലെ ആയിരമായിരം ചോദ്യങ്ങള്‍ ഓരോ മത വിശ്വാസ്സിക്കും ഉണ്ടാകാറുണ്ട്. ഈ ചോദ്യങ്ങള്‍ക്കെല്ലാം വ്യക്തവും ശാസ്ത്രീയവും യുക്തിക്ക് ചേരുന്നതും മനുഷ്യപുത്രരായ മനുഷ്യജീവികള്‍ക്ക് ഈ ലോകത്തില്‍ ഭയം കൂടാതെ ജീവിക്കുവാന്‍ സഹായിക്കുന്നതുമായ ഉത്തരങ്ങള്‍ സനാതനധര്‍മ്മം വ്യക്തമായി നല്‍കുന്നുണ്ട്.

ഈ പ്രപഞ്ചത്തിലെ സകല വസ്തുക്കളും പഞ്ചഭൂത നിര്‍മ്മിതമാണെന്നും അവയിലെല്ലാം അധിവസിച്ചുകൊണ്ട് അവയെ ഭരിക്കുന്ന ഒരു ശക്തി വിശേഷം, അതായത് ജീവാത്മാവ് ഉണ്ടെന്നും ഒരു ഹിന്ദു വിശ്വസിക്കുന്നു. പഞ്ചഭൂത നിര്‍മ്മിതമായ ഈ ശരീരങ്ങള്‍ക്ക് കേട് സംഭവിക്കുമ്പോള്‍, അല്ലെങ്കില്‍ ഉപയോഗ ശൂന്യമാകുമ്പോള്‍ അവയില്‍ കുടികൊണ്ടിരിക്കുന്നതായ ജീവാത്മാവ് ആ ഉപയോഗശൂന്യമായ ശരീരത്തെ ഉപേക്ഷിക്കുന്നു. ആ പ്രക്രിയക്ക് മരണം എന്നുപറയുന്നു. ജീവാത്മാവ് പുതിയ ഉന്മേഷത്തോടും സന്തോഷത്തോടും കൂടി വേറൊരു പുതിയ ശരീരത്തെ സ്വീകരിക്കുകയും ആ പുതിയ ശരീരത്തിലൂടെ ജീവിതയാത്ര തുടരുകയും ചെയ്യും. ജീവാത്മാവ് പുതിയ ശരീരത്തോടുകൂടി ഈ പ്രപഞ്ചത്തില്‍ ജീവിതം തുടങ്ങുന്നതിന് ജനനം എന്നുപറയുന്നു.

ഒരു ജീവിതത്തിലെ വിധിദിവസം(Doomsday) അവന്റെ മരണ ദിവസമാകുന്നു. ഹിന്ദു മരണദിവസത്തെ ഭയപ്പെടുന്നില്ല. വിധിദിവസം, ഓരോ ആത്മാവിനും കിട്ടുന്ന വിധി, ഈ ജന്മത്തിലെ കര്‍മ്മങ്ങളുടെ തുടര്‍ച്ചക്കായി നിനക്കിഷ്ടവും അനുകൂലവുമായ ഒരു പുതിയ ശരീരം സ്വീകരിച്ചുകൊള്ളുക എന്നുള്ളതാണ്. ആ വിധിയില്‍ സനാതന ധര്‍മ്മവിശ്വാസി സന്തോഷിക്കും.

ഭൗതിക സുഖങ്ങള്‍ കൂടുതല്‍ ആഗ്രഹിച്ച് ജീവിക്കുന്ന ഒരു മനുഷ്യന് ഈ ജന്മത്തില്‍ തന്നെയോ അല്ലെങ്കില്‍ അടുത്ത ജന്മത്തിലൊ കൂടുതല്‍ കൂടുതല്‍ ഭൗതിക സുഖങ്ങള്‍ കിട്ടും. ആ ലൗകിക സുഖങ്ങളെ സ്വര്‍ഗ്ഗം എന്ന് മനുഷ്യന്‍ കുതുന്നു. ഈ സ്വര്‍ഗ്ഗീയ സുഖത്തേക്കാളും അഭികാമ്യമായ ഒരു സുഖമുള്ളതായി വേദാന്തി വിശ്വസിക്കുന്നു. ആ അവസ്ഥക്ക് മോക്ഷം എന്ന് പറയുന്നു. ആ മോക്ഷമെന്ന അവസ്ഥയില്‍ ഞാന്‍ എന്ന് അഭിമാനിക്കുന്ന ജീവാത്മാവും ഈശ്വരന്‍ എന്ന പരമാത്മാവും ഒന്നായിത്തീരുന്നു. അതായത് ഞാനും എന്റെ പിതാവും ഒന്നായിത്തീരുന്നു. അതായത് I and my father are one എന്ന നിലയില്‍ എത്തുന്നു. ഈ നിലയില്‍ എത്തിയ വ്യക്തി പറയുന്നു. “അഹം ബ്രഹ്മാസ്മി’’. ഈ നിലയില്‍ എത്തുവാന്‍ വേണ്ടിയാണ് മനുഷ്യന്‍ ശരീരം ഉപയോഗിക്കേണ്ടത്. ഈ ശരീരത്തില്‍ ഇരിക്കുമ്പോള്‍ത്തന്നെ ഞാനും എന്റെ സ്വര്‍ഗ്ഗസ്ഥനായ പിതാവും ഒന്നാണ്, രണ്ടല്ല എന്ന ബോധത്തിലേക്ക് ഉയരുന്നവരെ ജീവന്‍ മുക്തര്‍ എന്ന് പറയുന്നു.. അതായത് ജീവിച്ചിരിക്കുമ്പോള്‍തന്നെ മുക്തി ലഭിച്ചവര്‍.

ഒരു ഹിന്ദുവിന്റെ ജീവിത കാലഘട്ടത്തെ നാലായി തിരിച്ചിരിക്കുന്നു. ബ്രഹ്മചര്യം, ഗ്രഹസ്ഥാശ്രമം, വാനപ്രസ്ഥം സന്യാസം. ഹിന്ദുവിന്റെ ജീവിതത്തില്‍ നിര്‍ണായകമായ പങ്കുവഹിക്കുന്ന വ്യക്തികളാണ് പുരോഹിതന്മാരും ഋഷിമാരും സന്യാസിമാരും. ഇതില്‍ പുരോഹിതന്മാര്‍ക്കും ഋഷിമാര്‍ക്കും കുടുംബജീവിതം അനുവദിച്ചിട്ടുണ്ട്.

ഒരു ഹിന്ദു സ്ത്രീപുരുഷന്മാര്‍ തമ്മിലുള്ള ലൈംഗികവേഴ്ച ഒരു പാപമായി കരുതുന്നില്ല. സ്ത്രീയും പുരുഷനും തമ്മിലുള്ള വേഴ്ച ജീവാത്മാവും പരമാത്മാവും തമ്മിലുള്ള യോജിപ്പായി ഹിന്ദു വിശ്വസിക്കുന്നു. ആ വേഴ്ചയില്‍ ഇന്ദ്രിയങ്ങള്‍ക്ക് അല്‍പ്പം സുഖമുണ്ടായാല്‍ അത് പാപമായി ഹിന്ദു വിശ്വസിക്കുന്നില്ല, മാത്രമല്ല ഈ സുഖം പരമാനന്ദസായൂജ്യമായിത്തന്നെ ഹിന്ദു കരുതുന്നു. ജീവാത്മ-പരമാത്മ ഐക്യത്തിലൂടെയുണ്ടാകുന്ന മനുഷ്യപുത്രനെ “അമൃതസ്യപുത്ര’’ എന്ന് സംബോധന ചെയ്യുന്നു. അതായത് മനുഷ്യന്‍ പാപത്തിന്റെ ഫലമാണെന്ന് ഹിന്ദു ഒരിക്കലും സമ്മതിക്കുകയില്ല.

ഈ പ്രപഞ്ചത്തിലുള്ള കോടാനുകോടി സൃഷ്ടികള്‍ ഉള്ളതില്‍ മനുഷ്യജന്മം ഈശ്വര സാക്ഷാത്കാരത്തിനുവേണ്ടി മാത്രമുള്ളതായി ഹിന്ദു വിശ്വസ്സിക്കുന്നു. അത്ര ശ്രേഷ്ടമായ ഈ മനുഷ്യജന്മം കിട്ടിയതിന് ശേഷവും, ഈ വിശിഷ്ടമായ ശരീരം ഉപയോഗിച്ച് ഭൗതിക ലൗകിക സുഖങ്ങള്‍ മാത്രം അനുഭവിച്ച് ആസ്വദിക്കുന്ന മനുഷ്യമൃഗങ്ങളേപ്പറ്റി എന്തുപറയുവാനാണ്. അടുത്ത ജന്മങ്ങളില്‍ അവരും ഭൗതിക ജീവിത സുഖങ്ങളില്‍ കഴമ്പില്ലെന്ന് മനസ്സിലാക്കി ഈശ്വര സാക്ഷാത്കാരത്തിനുവേണ്ടി മനസ്സ് തിരിക്കുമെന്ന് വിശ്വസിക്കാം.

ഇതാണ് സനാതനധര്‍മ്മമായ ഹിന്ദു ധര്‍മ്മത്തിന്റെ ഒരു എകദേശ രൂപരേഖ. ഈ സനാതന ധര്‍മ്മത്തില്‍ ഈശ്വരവിശ്വാസിക്കും, നിരീശ്വരവാദിക്കും, യുക്തിവാദിക്കും, യഹൂദനും, കൃസ്ത്യാനിക്കും അവകാശമുണ്ട്. ഓരോരുത്തര്‍ക്കും അവരവരുടേതായ വിശ്വാസം അനുസരിച്ച് ജീവിക്കുവാനുള്ള സ്വാതന്ത്ര്യം ഉണ്ട്. ഒരു ഹിന്ദുവിന് സ്വര്‍ഗ്ഗത്തിലേക്കും നരകത്തിലേക്കും മോക്ഷത്തിലേക്കും പുരോഗമിക്കുവാനുള്ള മാര്‍ഗ്ഗം അവന് തന്നത്താനെ തുറക്കുവാന്‍ സാധിക്കും. അന്യനായ ഒരാളുടെ ശുപാര്‍ശ(Recommendation) അവന് ആവശ്യമില്ല.

ഇത്ര വിശാലമായ സ്വാതന്ത്ര്യം പ്രദാനം ചെയ്യുന്ന സനാതന ഹിന്ദുധര്‍മ്മം ഹിന്ദുമഹാസമുദ്രം മുതല്‍ ഹിമാലയം വരെ നീണ്ട്, പരന്ന്, വിടര്‍ന്ന് കിടക്കുന്ന ഭാരത മാതാവിന്റെ സന്തതികളായ നാം ഏവര്‍ക്കും ജന്മാവകാശമായി കിട്ടിയിട്ടുള്ള പൈതൃക സ്വത്താണ്. ഈ മഹനീയമായ പൈതൃകത്തെ ആരെങ്കിലും അറിവില്ലാതെ നിഷേധിച്ചാലും ആ പൈതൃകം ജന്മനാല്‍ അവന് ലഭിച്ചിട്ടുള്ളതാണ്. അതായത് ഈ ഭാരതഭൂമിയിലെ ഹിന്ദുവും ,മുസ്ലീമും, കൃസ്ത്യാനിയും, നിരീശ്വരവാദിയും നക്‌സലൈറ്റും സഹോദരന്മാര്‍ തന്നെയാണ്. അവര്‍ എല്ലാം ഭാരതമാതാവിന്റെ ഉദരത്തില്‍ ജനിച്ച സഹോദരന്മാര്‍ തന്നെയാണ്. അവര്‍ എല്ലാം ഹിന്ദുക്കള്‍ തന്നെയാണ്. അവര്‍ എല്ലാവരും ഒരേ സത്തയെ വ്യത്യസ്ത കോണുകളില്‍ നിന്ന് നോക്കുന്നവര്‍ മാത്രമാണ്. അതായത് “ഏകം സത് വിപ്രാബഹുദാവദന്തി’’ എന്ന് മാത്രം.

ലോകത്തിലുള്ള മനുഷ്യസമൂഹത്തെ മുഴുവന്‍ മതങ്ങളുടേയും, ഉപ മതങ്ങളുടേയും, ജാതിയുടേയും ഉപജാതിയുടേയും പേരില്‍ തിരിച്ചുതിരിച്ചു നിര്‍ത്തി പ്രത്യേകം പ്രത്യേകം തീയേറ്ററുകളില്‍ കയറ്റി നട്ടുച്ചക്ക് മാറ്റിനി കാണിച്ചുകൊണ്ടിരിക്കുകയാണ് ഇന്ന്. ഓരോ കൂടാരത്തിലും ഉള്ളവര്‍ വിചാരിക്കുന്നു അവര്‍ അന്ധകാരത്തില്‍ ആണെന്നും സ്‌ക്രീനില്‍ കാണിന്ന വെളിച്ചം മാത്രമെ സത്യമായിട്ടുള്ളു എന്നും. കൂടാരത്തിനു പുറത്ത് കത്തി ജ്വലിച്ചുകൊണ്ടിരിക്കുന്നതായ സൂര്യ പ്രകാശത്തിലേക്ക് നോക്കുവാന്‍ കൂടാരം സഷ്ടിച്ച് മാറ്റിനി കാണിച്ചുകൊണ്ടിരുക്കുന്നവര്‍ അനുവദിക്കുന്നില്ല. കൂടാരങ്ങളില്‍ നിന്നും മാറ്റിനിക്കുശേഷം പുറത്തുവരുമ്പോള്‍ സര്‍വ്വ വെളിച്ചത്തിനും ഇരിപ്പിടമായ സൂര്യപ്രകാശം അവന് കാണാന്‍ സാധിക്കുന്നു.

എല്ലാ മതങ്ങളേപറ്റിയും ഒരേവേദിയില്‍ അവതരിപ്പിക്കുവാന്‍ സാഹചര്യം ഉണ്ടാക്കിയ C.M.L ഭാരവാഹികളോട് നന്ദി രേഖപ്പെടുത്തട്ടെ. അടുത്തതായി ഈ സര്‍വ്വമതസമ്മേളനം നടത്തുവാന്‍ മുന്‍കൈ എടുത്ത കോളേജ് അധികാരികള്‍ക്കും മാനേജ്‌മെന്റിനും നന്ദി രേഖപ്പെടുത്തുന്നു.. അതിനെല്ലാം ഉപരിയായി ഇതുപോലെയുള്ള മീറ്റിങ്ങുകള്‍ സംഘടിപ്പിക്കുവാന്‍ അനുയായികള്‍ക്ക് സ്വാതന്ത്ര്യം കൊടുത്ത രണ്ടാം വത്തിക്കാന്‍ സൂനഹദോസിനും നന്ദി രേഖപ്പെടുത്തിക്കൊണ്ട് എന്റെ വാക്കുകളെ ഉപസംഹരിക്കുന്നു.

നന്ദി.

ഡോ:പി.ചിദംബരനാഥ്.

പീടികയില്‍

പുലിയന്നൂര്‍ പി ഒ,686573

ഫോണ്‍: 04822206050

നയന്‍താരയും ഞാനും.

2009-11-06T09:20:00.000-08:00

ബാംഗ്ലൂരില്‍ ഒരു കോള്‍സെന്ററില്‍ കൂലിപ്പണി ചെയ്യുന്ന കാലം. സാലറി കിട്ടിയിരുന്നില്ല. ശിവാജി നഗര്‍ ബെസ്സ് സ്റ്റാന്‍ഡില്‍ കഴിയുമെങ്കില്‍ ടിക്കറ്റെടുക്കാതെ വന്നിറങ്ങി വെള്ളരിക്കാ വില്‍ക്കുന്ന ഹിന്ദിക്കാരനോട് ആംഗ്യഭാഷയില്‍ വിലപേശി ഒരു മുഴുത്ത വെള്ളരിക്കാ അകത്താക്കും. മലയാളിബേക്കറിയില്‍നിന്ന് മൂക്കുമുട്ടെ ജലപാനം...സുഖജീവിതം.
ബസ്സ് സ്റ്റാന്‍ഡില്‍ തൂണിനുചുവട്ടില്‍ ഒരാള്‍ കിടന്ന് ഉറങ്ങുന്നത് ഞാന്‍ മൂന്നാല് ദിവസം ശ്രദ്ധിച്ചു...ഒരു ഭിക്ഷക്കാരന്റെ വേക്ഷം..കീറിയ വസ്ത്രങ്ങള്‍..ഭാണ്ഡക്കെട്ടില്‍ ചപ്പുചവറുകള്‍...തലയില്‍ ഒരു ഹാറ്റ്. അയാള്‍ക്ക്്് ചുറ്റും ഒരു പത്ത്്് പട്ടികളെങ്കിലും എപ്പോഴും ഉണ്ടായിരുന്നു. അയാളേപ്പോലെതന്നെ ആ നായ്ക്കളും ചലനമില്ലാത്തവരും നിശബ്ദരുമായിരുന്നു. അനക്കമില്ലാതെ ഒരേതൂണിന്റെ ചുവട്ടില്‍ മൂന്ന് ദിവസം കണ്ടപ്പോള്‍ എനിക്ക് സംശയം തോന്നി. ജീവനുണ്ടൊ...അതൊ വിശന്ന് തളര്‍ന്ന് കിടക്കുകയാണൊ...ഒടുവില്‍ കയ്യിലുണ്ടായിരുന്ന ഇരുപത് രൂപയില്‍ പത്തുരൂപാ ഞാന്‍ രണ്ടും കല്‍പ്പിച്ച് അയാളുടെ മുഖത്തിനുനേരേ നീട്ടി. ആക്രമിച്ചെങ്കിലൊ...അയാള്‍ എഴുന്നേറ്റു. സായിപ്പ് തോറ്റുപോകുന്ന ആംഗലേയത്തില്‍ കക്ഷി എന്നെ വിസ്തരിക്കാന്‍ തുടങ്ങി. എനിക്കും ലേശം വട്ടുള്ളതുകൊണ്ട് ഞാനും തിരിച്ച് വിസ്തരിച്ചു...അയാള്‍ ദീര്‍ഘനേരം പലവിഷയത്തേപ്പറ്റിയും അഗാധമായി സംസാരിച്ചു. ജീവിതം..മരണം..പ്രണയം..കാലം..എല്ലാം. ഞാന്‍ തരിച്ച് നില്‍ക്കുകയായിരുന്നു. ഒടുവിലാണ് ഞാന്‍ അയാളുടെ പേര് ചേദിച്ചത്. പേരുകളുടെ അര്‍ത്ഥമില്ലായ്കയേപ്പറ്റി അയാള്‍ പറഞ്ഞു. ഞാന്‍ എങ്ങിനെ അയാളെ അഡ്ഡ്രസ്സ് ചെയ്യും എന്ന് ചോദിച്ചപ്പോള്‍ കക്ഷി പറഞ്ഞു. യു ക്യാന്‍ കോള്‍ മി നയന്‍താര...കണ്ണകള്‍ നക്ഷത്രം പോലെയുള്ളവള്‍ എന്നാണ് അതിന്റെ അര്‍ത്ഥമെന്നും അവര്‍ പറഞ്ഞു. അവര്‍ ഒരു സ്ത്രീയാണെന്ന് അപ്പോളാണ് ഞാന്‍ ശ്രദ്ധിച്ചത്. അവരുടെ കണ്ണുകള്‍ നക്ഷത്രങ്ങള്‍ തന്നെയായിരുന്നു. അഗാധമായ കൊക്കകള്‍...സംസാരത്തിനിടയില്‍ അവരുടെ കണ്ണുമായി എന്റെ കണ്ണുടക്കുമ്പോള്‍ ആ അഗാധതയിലേക്ക് കാല്‍ വഴുതിവീണ് അപ്രത്യക്ഷമാകാതിരിക്കാന്‍ ഞാന്‍ ശ്രമിക്കുന്നുണ്ടായിരുന്നു....പഞ്ച് ചെയ്യാന്‍ നേരമായപ്പോള്‍ ഞാന്‍ അവരോട് ഗുഡ്‌ബൈ പറഞ്ഞു. ഞങ്ങള്‍ക്ക് ചുറ്റും ഒരുപറ്റം ആള്‍ക്കാര്‍ കൂടിനില്‍ക്കുന്നുണ്ടായിരുന്നു എന്ന് ഞാന്‍ അപ്പോഴാണ് ശ്രദ്ധിച്ചത്....പിന്നീട് ഞാന്‍ അവരെ കണ്ടിട്ടേയില്ല.
നാട്ടില്‍ വന്നപ്പോള്‍ എന്റെ സുഹൃത്തും ഗുരുതുല്യനുമായ ഡോക്ടര്‍ വേണുഗോപാലിനോട് ഈ സംഭവം വിശദമായി പറഞ്ഞു. എല്ലാം കേട്ടുകഴിഞ്ഞപ്പോള്‍ അദ്ദേഹം പറഞ്ഞു. അവര്‍ ഒരു അവധൂതയാണ്...നായ്ക്കളുടെ നിശബ്ദസാമീപ്യവും കണ്ണുകളുടെ നിശ്ചലതയും മറ്റെല്ലാ ലക്ഷണങ്ങളും അത് ശരിവക്കുന്നു. ഭഗവതി എന്ന് പറയാം. മായമ്മയും ഇതുപോലെയായിരുന്നത്രെ...മഹായോഗിനി...അവര്‍ ഈ ശരീരത്തില്‍ ഉണ്ടെന്ന് മാത്രം...സത്യത്തില്‍ അവര്‍ മനസ്സിനക്കരെയാണ്.....ഡോക്ടര്‍ എന്നോട് പറഞ്ഞു. നീ അവരെ കണ്ടെത്തിയെന്ന് അഹങ്കരിക്കേണ്ട സത്യത്തില്‍ അവര്‍ നിന്നെയാണ് കണ്ടെത്തിയത്. ഷി വാസ് വെയിറ്റിങ്ങ് ഫോര്‍ യു.....

ഇന്ഡ്യയില് ഗേയിസത്തിന്റേയും ലെസ്ബിയനിസത്തിന്റേയും സാംഗത്യം

2009-11-04T20:35:00.000-08:00

സ്വാഭാവികമായ സെക്സ് എതിര് ദ്രൂവങ്ങള്തമ്മിലുള്ള ഊര്ജ്ജവിനിമയമാണ്. മരണം പോലെതന്ന സെക്സുംഒരു പരിധി വരെ ദുര്ഗ്രാഹ്യമാണ്.ലൈംഗിംകവേളയിലെ ശരീരത്തിന്റെ പ്രതികരണങ്ങളും പ്രത്യേകതകളുംശാസ്ത്രം കുറെയൊക്കെ കണ്ടെത്തിയെങ്കിലും മനസിനും ബോധത്തിനും സംഭവിക്കുന്ന അവസ്ഥാന്തരങ്ങളേപ്പറ്റിഅമേരിക്കക്കാരനും ഇന്ഡ്യക്കാരനും ഒരുപോലെ അജ്ഞനാണ്. കാരണമെന്തെന്നാല്...വലകെട്ടുവാന്എട്ടുകാലിയെ ആരും പഠിപ്പിക്കേണ്ടതില്ല. വലകെട്ടുവാനുള്ള സ്കെച്ചും പ്ലാനും അതിന്റെ ഓരോകോശങ്ങളിലും ജന്ന്മനാല്തന്നെ മുദ്രിതമാണ്. സ്വാഭാവികമായും സംഭവിക്കേണ്ട ലൈംഗിക കേളീനിലകള്പക്ഷെ മനുഷ്യന് ക്ലാസ്സില് പോയി നോട്ടെഴുതി പഠിക്കണം...പ്രണയപൂര്വ്വമുള്ള സെക്സ് ഈ നിലകള്കണ്ടെത്തുന്നതിനുള്ള ഉല്ക്കാഴ്ച്ച അവന് പ്രദാനം ചെയ്യുന്നു....പക്ഷെ പ്രണയം ജീവിതത്തില്നിന്ന്സിനിമകളിലേക്ക് കുടിയൊഴിക്കപ്പെട്ടതോടെ അതിനൊപ്പം ഉള്ക്കാഴ്ച്ചകളും നഷ്ടമായി...പൂവിന് സുഗന്ധം പോലെപ്രണയത്തിന്റെ ഉപോല്പ്പന്നമായോ സ്വാഭാവികമായ പരിണാമമായോ സംഭവിക്കേണ്ട ലൈംഗികത ഇന്ന്തായ്ത്തടിയില്ലാത്ത വൃക്ഷം പോലെയായിത്തീര്ന്നിരിക്കുന്നു...അതിന് കാരണം മതങ്ങളുടെ അശാസ്ത്രീയസമീപനവും കണ്ടീഷനിങ്ങുമാണ്...സെക്സിനോടുള്ള മതങ്ങളുടെ സമീപനം സമുഹത്തെ മുഴുവനും ലൈംഗികമനോരോഗികളാക്കിമാറ്റിയിരിക്കുന്നു. ലൈംഗികത പാപമാണെന്ന ഇന്ഡയറക്ടായ സൂചന എല്ലാ മതങ്ങളുംനല്കുന്നുണ്ട്. ഒരു പെണ്കുട്ടിയോടൊപ്പം നൂറ് മീറ്റര് നടന്നുനോക്കൂ....അപ്പോഴറിയാം എത്ര കണ്ണുകള് നിങ്ങളെവിചാരണചെയ്യുന്നു എന്ന്...ഒരു സുന്ദരിയോട് വഴിയില് വച്ച് ഒന്ന് സംസാരിച്ച് നോക്കൂ നിങ്ങള്ക്ക് ഒരുനൂറ്പേര്ക്കെങ്കിലും വിശദീകരണം കൊടുക്കേണ്ടിവരും...അവളോടോപ്പം ഒരു ലോഡ്ജില് മുറിയെടുക്കുന്നത്ആലോചിക്കുകയേവേണ്ട...അഴിയെണ്ണേണ്ടിവരും...സ്ത്രീയും പുരുഷനും തമ്മിലുള്ള ലൈംഗികത പാപമാണ്. അങ്ങനെ ചെയ്യുന്നവരെ നമ്മള് ജയിലില് അടക്കും. അവരുടെ കുടുംബം തകര്ക്കും. ശില്പ്പാ ഷെട്ടിയെ ഉമ്മവച്ചസായിപ്പ് ഇനി ഈ ജന്മം സ്വന്തം ഭാര്യയേപ്പോലും ഉമ്മവയ്ക്കില്ല. നമ്മള് പുരുഷന്മാര് പുരുഷന്മാരെ വിവാഹംചെയ്യും, സ്ത്രീകള് സ്ത്രീകളെ കല്യാണം കഴിക്കട്ടെ...പോലീസ് നമുക്ക് കാവല് നില്ക്കും...നമുക്ക് വഴിയരികില്മലമൂത്രവിസര്ജ്ജനം ചയ്യാം..നമ്മള് ആദരിക്കപ്പെടും..എന്നുമാത്രമല്ല ഒരു പ്രത്യേക രക്നത്തിന് നമ്മള്ആര്ഹരാകും...ആ രക്നത്തേക്കുറിച്ച് ഒ വി വിജയന് രാമനെ നായകനാക്കിയുള്ള തന്റെ ഒരു കഥയില്പറഞ്ഞിട്ടുണ്ട്....
ഊര്ജ്ജത്തെ സൃഷ്ടിക്കുവാനോ നശിപ്പിക്കുവാനോ കഴിയില്ല എന്നുള്ളത് ഒരു ശാസ്ത്ര സത്യമാണ്. സെക്സ് ഒരുഊര്ജ്ജമാണ്, അതിനെ നശിപ്പിക്കുവാനുള്ള വൃധാപ്രയക്നത്തിലാണ് മനുഷ്യന്. നന്നേചെറുപ്പം മുതല്(ബുദ്ധിഉറക്കുന്നതിന് മുന്പ്)ഉള്ള രോഗാതുരമായ സമൂഹത്തിന്റെ കണ്ടീഷനിങ്ങാണ് ഈ പാഴ്ശ്രമത്തിനാധാരം. ഒരുപാട് അമര്ത്തപ്പെടുമ്പോള് ഊര്ജ്ജം രൂപമാറ്റത്തിന് വിധേയമാകുന്നു. അങ്ങനെ ആണ് ആണിനേയും പെണ്ണ്പെണ്ണിനേയും കാമിച്ച് തുടങ്ങുന്നു. അതില് തെറ്റിന്റേയും ശരിയുടേയും പ്രശ്നം ഒന്നും ഇല്ല. പക്ഷെസ്വാഭാവികമല്ലാത്തതിനാല് സംതൃപ്തി എന്തെന്ന് അവര് ഒരിക്കലും അറിയില്ല. ദാഹിക്കുമ്പോള് ഉപ്പുവെള്ളംകുടിക്കുന്നതുപോലെ...അവരെ പഴിക്കരുത്...കളിയാക്കരുത്..അവര് ബലിയാടുകളാണ്....അവരുടെ ജീവിതത്തില്നിന്നും സ്വാഭാവിക രതിയുടെ ഉഷ്മളതയും സംതൃപ്തിയും എടുത്തുമാറ്റി അരെ മ്ലേഛരാക്കിയത് പ്രബുദ്ധരായപുണ്യവാളന്മാരായ നമ്മളാണ്. സ്വവര്‍ഗ്ഗസംഭോഗം ഇവിടെ നിരോധിക്കാത്തക് നന്നായി. അത് മൃഗങ്ങളിലേക്ക്തിരിഞ്ഞേനെ..വീണ്ടും നിരോധിച്ചാല് അത് പാറകളിലേക്കും മരങ്ങളിലേക്കും വഴിതിരിഞ്ഞ് പോകുമായിരുന്നു. എന്തൊക്കെയായാലും ഇണകളായി കണ്ടെത്തുന്നത് മനുഷ്യരേത്തന്നെയാത് ഒരു ഭാഗ്യമല്ലെ.....